Ta-as Nga Kinabuhi Sa Mga Italyano

Kasagaran sa mga Italyano apan dili tanan adunay ta-as nga kinabuhi ug maluhatay gayud tungod sa ilang ma-ampingon nga pagdumala sa ilang panglawas. Nasayod ka  ba kung unsay ilang pagabuhaton aron magpabilin nga baskog ug himsog?

• Aduna sila'y igong pahuway. Tanang mga trabaho sa Italya ma-opisina, pabrika ug uban pa, aduna gayu'y gigahin nga duha (2) ka oras sa pagpahuway gikan sa alas 1:30 sa udto hangtod sa 3:30 sa sayong kahaponon. Mao kini ang ilang takna pagpani-udto dayon ang gamay nga pagtagpilaw sa lawak-katulgananan. Matug ug momata sila sa saktong oras gayud.
• Dili sila hilig sa mga pagka-on nga mantika-on labi na sa mga minantika-an. Kung mogamit man sila ug mantika, Olive nga presko ug dili ininit. Maong kasagaran sa ilang mga sud-an giluto kanunay sa oven.
• Kasagaran apan dili tanan, dili hilig sa mga karneng baboy, usahay ila lamang kini isagol sa ubang klaseng karne sa pagluto aron paghatag ug lami-ang timpla.
• Kasagaran apan dili tanan, magpaugnat sa kusog kanunay sama sa paglakaw lakaw sayo sa buntag ug gabi-i uban ang ilang mga iro, paglangoy-langoy sa swimming pool nga ilang adtu-anan, ug uban.
• Kasagaran apan dili tanan, aduna gayud silay disiplina sa pag-inom ug ilmnong makahubog. Mo-inum lamang sila ug bino kada kaon ug aduna gayu'y limitasyon. Kung an-a silay tambungan nga mga okasyon, sigurado-on gyud nila nga igo-igo lamang aron makamaneho pa sila sa ilang mga sakyanan padung pauli.
• Dili sila tiggamitan ug vetsin. Asin, paminta, mantikang presko sa Olive ug suka lamang gayud ang ilang gamit sa pagtimpla.
• Kasagaran pero dili tanan, dili sila hilig ug mga junk foods, mga ilimnong soda, ug uban. Tubig ug bino lamang ang ilang paga-imnon.
• Mokaon sila sa saktong oras gayud depende na lang kung naay mga kakuli-an sa bisan usang matang.

Ang Kamatuoran

Udtong tutok samtang naglingkod sa lingkuranan, akong nahinuklogan nga ako:

•  nagkatiguwang ug di na gayud mahimo pang mobalik pagkabatan-on pero paniti lang di ba taros pa ang ka-unoran
• mata nagkahap kuridas na ang tanan sa pana-aw, ang bati mahitsura-an pero suwayi ko ug ingon beautiful eyes di ba magkirap-kirap dayon.
• nangahingo ug nangapangag ang mga ngipon pero ang pahiyom sa bao ana-a gihapon
• agtang milapad ug misinaw kung motugdon aw takwahaw lang madalin-as ang langaw
• hapit na manga-uban ang mga buhok nga wa tabuni ug tinabunan pero baligyang tina pagkadaghan o di ba ba kaha paupawan
• mga kamot pirming magkurog tungod sa pasmo sa kusog sus pagka-ahak minus pa gani kaayo ug barug
• siko ug tuhod nangagabok mokuto na gud kada pokpok ug kagud 
• sakit na kaayo ang mga kaso-kaso-an labi na ang pangiyoran 
• ug labaw sa tanan, lawm na kaayo ug tinubdan, inig bomba sa poso motu pa ang sip-on kung matun-ogan.